მარგალური
ათე ერთელ ქიანასი
მუჭო გოკო წკანტილ რინა…
გურქი ოკო ილაფასი
ონდო ქორე ჩქინი ნინა.
,,ჩქინ ნითათ”-მოშინელ მაფუ
ართო სკვამი-მარგალური,
მტერს ონჯარუ,ამბე აფუ-
საარიკო, ვაუღ ლური.
ვარენია თენა ნინა,
რაგადანა არგამათი,
მარგალურს უჭარუ რინა
თე ნინა ვეთირე შხვათი!
ნინა სკვამი, ხალხი სკვამი
მახსაპალ დო მაბირეფი,
ღორონთ, იფრელ დომიხვამი
დიხა,თე ზღვა,ნაპირეფი.
მელერსეეფ ანდა უნსი
ათე კუნთხუს, ნორმალური,
უჯგუშის ჭარუნა,მუსი,
ვათან ოკო მარგალური.
მის ვაუჩქ, სამარგალოში
დიდაქალაქ, ზუგდიდირე,
მაცქვაფალი ყუნსი ოში,
მაგორაფალ ქომწით მირე.
ჩქი,ყოროფა,ზუგდიდიში
ოკო გილებღათ გურითი,
უსკვამაში სორე თიში,
ვამწონებუნა მითინი.
მელერსე,-სამარგალოში
სკან კუნთხუსი, ქოუბირი,
სო გილურსი ძღაბ დო ბოში
სკანი ჯგუა,ართო ჯგირი.
სამარგალოს ბრელ უნს გმირი
თაქი ვეკოროცხე არძა,
გედ მარგალ დო მტერს ქაძირი-
კოჩანა! დღას ვეგებანძა.
ამდღა ლერსით იმნირზათი
ვუხარათ ართიანს გური,
ვაგიბჭყოლიდუათ ჩქინი-
ჯვეში ნინა მარგალური!
—–ნესტან ხარებავა
