სიკვდილშიც გვაჯობაო! – აღიარა სიმონ ჩიქოვანმა

• ნათია სიხარულიძე:
  გალაკტიონის თვითმკვლელობაზე საუბრისას არ შეიძლება უყურადღებოდ დავტოვოთ რამდენიმე მნიშვნელოვანი მომენტი:
• საავადმყოფოში ათ საათზე მიიყვანეს და პირველ საათზე ორსაწოლიან პალატაში, მესამე საწოლი ჩაუდგეს დამატებით, რის გამოც ერთ-ერთი ავადმყოფის ცოლმა პროტესტი გამოთქვა: შეგვავიწროვესო.
  გალაკტიონმა შევიწროვებულები დაამშვიდა: პალატიდან გამოვიდა და უკან აღარ შებრუნებულა:
  შემდეგი ოთხი საათი დერეფანში გაატარა.
  იმჟამად პალატა-ლუქსში იმყოფებოდა ცენტრალური უნივერმაღის დირექტორი, რომელიც იმ ღამესვე სასწრაფოდ გაწერეს საავადმყოფოდან(!). ნახევარლუქსებიც დაკავებული აღმოჩნდა თუ ვერ გაიმეტეს…
  იქნებ უბრალო შეკითხვას ან შეხმიანებას გამოეფხიზლებინა?!
  ტრაგედია ექვსზე მოხდა (უფრო ზუსტად – ექვსს ათი აკლდა).
  ერთი სიტყვით რომ შევაფასოთ, ეს იყო: პროტესტი! პროტესტი ყველასადმი, ყველაფრისადმი, ყველაფრისათვის!

/ვახტანგ ჯავახაძე. უცნობი. 2013/