აჭარული_საშაირო

მარცვალ- მარცვალ ჩამოგკაკლე,
იმ ტყემლებს და ამ ჟოლებს…
გულში ისე ჩიგიფუნჩხე –
საჭმელს რომ ვჭამ, მაჟრჟოლებს…

ვიძინებ მოღეღილ თვალით,
მოღერილი მუშტებით,
არ გეგონოს, გიგიტოლებ
ტყვილაჲ, ნუ მემუშტრები,

დაბლა კალოს ხბო ბღაოდა,
აღმა- კოთდენ კატები,
საცხა გნახავ, იქ მოგწვდები-
მკერდში დაკეტაკები…

ახლა კარგად დიმიყურე,
ძერამ შეკრა ირაო,
თუ მევდომე, მიგაყიდი,
ანაც გაგცემ გირაოდ

ამიტომაც მომეფერე,
სულზე სიო დამქროლე,
თვარა არწივს ვიღან ჩივის,
შემოგისევ ყვავ-ქორებს

სანამ დუუდევ, ალი აღას
იალაღის დავთრები…
იქობამდე უუდე თვარა,
მეხსუს დაგემართები!

მზია სალვარიძე